Ghe diversi maner de fa el risot cun la salsisa;
vuna la dis de fa el sufrit cume el solit:
buter e sigula a rusulà, se tosta el ris

Rugando un po’ e te sbrufi cul vin blanc.

 

Fa sfumà el vin e met el brod de galina

cun un cugiarin de cuncentrad de tumates,

suguta a mesedà e rugà
e quand el brod el cumincia a sugà giunteghen
un casù la volta, fina che el ris l’è cot.
Ades una bela nus de buter e furmag gratad
per fal bel murgiud.

Ciapa tri o quater bei span de salsisa, quela buna,

fai cul brod de furmag cume se feva una volta,

pelela, taiela a bucunin e fala rusulà nel buter culur nisola,

sbrufela de vin bianc e fala rustì per ben

fina a che la diventa de un bel culur rugen

e el prufum te el senti anca in piasa dela ciesa.

Eco, ades met el ris nei piat spans cun sura la salsisa,

e tireg el col a un bel rus de sustenta.